KORG er leiðandi fyrirtæki í framleiðslu á hljóðfærum og tækjum tengdum tónlist.

Flaggskip þeirra Korg Oasys var kynnt á NAMM 2005 og vakti verðskuldaða athygli. Oasys er í raun þrír synthar í einum, HD-1 (PCM synth), AL-1 (Virtual analog synth) og CX-1 (Toneweel organ) og er stýrikerfið byggt á Linux.

Korg M3 er afskaplega vænn kostur fyrir þá sem vilja hljómborð með frábærum sándum, snertiskjá,  og sampler svo fátt eitt sé nefnt. Sjáðu

video um þetta ofur-hljómborð hér.

Hið virta tímarit Future Music sagði í júlí 2007 hefti sínu: „ It´s fair to say that the M3 is a keyboard player´s dream.“

Meðal hljómborða sem komið hafa á markað frá Korg undanfarin misseri eru t.d. R3(lítill en magnaður synthi/vocoder), Radias (synthi með MMT(Multi Modeling Technology) hljóðvél, og er með innanborðs sömu "modeling" tækni og Korg Oasys) ásamt TR  synth-unum margrómuðu.

Þetta er einungis brot af breiðri línu hljómborða sem Korg bíður upp á.

Kíktu á Korg.com og sjáðu meira.

Hugbúnaðar uppfærslur, ný „sánd“ og fylgibæklinga fyrir hin ýmsu hljóðfæri frá Korg er auðvelt að nálgast beint af heimasíðu þeirra. Hér er beinn linkur á síðuna.

Fyrir orgelleikarann eru þeir með CX3 orgelið, sem er öllu viðráðanlegra en gamli Hammondinn með lesley boxið í eftirdragi....Og hljómurinn er sannfærandi.

Hljómborð með sjálfvirku undirspili - stundum kölluð skemmtarar - eru líka til frá Korg. Pa800  er nýjasta afurð Korg-manna í þessum geira. Borðið inniheldur TC Helicon voice processorinn kunna og margrómaða sem bíður upp á fjölda effekta fyrir sönginn (borðið er með mic-inngang) s.s. reverb, delay, EQ auk þess sem hægt er að láta græjuna radda þríraddað á sannfærandi hátt. Pa800 inniheldur m.a. „sánd“ úr Oasys ofurborðinu og er með lita-snertiskjá.

Pa50 bíður upp á hljóðin úr Triton hljómborðunum ásamt geysiöflugu og þægilegu stýrikerfi. Nýjir taktar gera þessi borð að stórskemmtilegum tækjum, hvort heldur er til tónsmíða, spilamennsku á veitingahúsum, eða bara til að hafa gaman að þeim heima við.

Nýjasta græjan í þessum flokki er Pa2Xpro sem sem kemur í kjölfar Pa1X og Pa1Xpro sem hafa verið mjög vinsælir meðal atvinnu sem og leikmanna undanfarin misseri. Pa2Xpro inniheldur magnaða "hljóðvél" (EDS, þá hina sömu og Korg M3 skartar) og píanó "sándin" þykja með því besta sem fyrir finnst í þessum bransa, enda fengin frá Korg C720 rafmagnspíanóunum,sem er flaggskip Korg-manna í þeirri deild.

Rafpíanóin (C 320, C 520 og C 720 ásamt SP-250 og SP-500) frá Korg njóta mikilla og vaxandi vinsælda - ódýr, meðfærileg og þægileg lausn fyrir heimili skóla, félagsheimili eða stofnanir.