|
Uppsetning
í sal Giljaskóla.
Í
Giljaskóla er nýr salur, tekinn í notkun haustið 2002.
Hann er svolítið sérstakur í laginu, ekki eiginlegt svið, heldur er gólfið tekið niður
í miðjunni, í nokkurs konar gryfju.
Þetta bjó til nokkur vandamál.
Það
var haft samband og við vorum beðnir um lausn á málinu.
Útveguð
var grunnteikning og send bæði til sérfræðinga hjá
Peavey í bretlandi og til Fohhn í þýskalandi.
Það
er ekki hátt til lofts í salnum og niður úr loftinu miðju,
fyrir ofan gryfjuna, er slá og á hana eru hengd ljós. Ekki
var talið fýsilegt að setja hátalara þar.
Bæði vegna þess að sláin var ekki hönnuð með það
í huga upp á styrk og líka vegna þess að það myndi
takmarka dreifingu ef hátalara væru settir þar.
Eftir talsverða ígrundun var ákveðið að mæla með
hljóðkerfi frá Fohhn. Við
skoðuðum nokkra möguleika á uppsetningu og ákváðum að
mæla með því að 2 hátalararar yrðu settir upp á
vegg, staðsettir sitt hvoru megin við svæðið sem er notað
í stað sviðs, vísandi yfir salinn, og að tveir bassahátalarar
yrðu til taks þegar böll eru haldin.
Annars er hægt að rúlla þeim á bak við þegar eingöngu
er verið að nota kerfið fyrir tal eða lágværa tónlist.
Hátalararnir
sem fyrir valinu urðu heita Fohhn
FH3i, og eru úr
“Installation” línunni frá Fohhn, með 12” hátalara og
1” hátíðni einingu 350W rms. Þeir voru pantaðir hvítir og veggfestingar í stíl.
Bassahátalararnir eru FB4-FX3, 18” hátalarar með
innbyggt crossover, sem gerir það kleift að tengja þá við
án frekari stillinga.
Þetta
er svo knúið áfram með 2 Peavey GPS2600 kraftmögnurum og
Fohhn FC-3 PRO hljóðstýring sér um að vernda hátalarana
fyrir skakkaföllum. Svo var settur Behringer tónjafnari DSP-8024 til að skera
í burt óæskilegar tíðnir sem myndast í salnum.
Í
stjórnherberginu er hljóðblöndunarborð er frá Behringer,
MX-2004A, og í hann eru tengdir 2 geislaspilar og útvarp frá
SONY og 2 þráðlaus hljóðnemasett með barmnæluhljóðnema,
Shure UT24/93. Einnig
er hægt að tengja aðra hljóðnema, tölvur, myndvarpa og
fleira í borðið. Giljaskóli
á einnig 2 Fohhn hátalara með innbyggðum mögnurum, Fohhn
Direct media, sem eru ætlaðir í kennslustofur.
Í þá hefur verið settur móttakari fyrir þráðlausan
hljóðnema og barmnæluljóðnemi og sendir fylgir þeim.
Annar þeirra hefur verið notaður sem monitor fyrir
þá sem eru að stjórna hljóðkerfinu á árshátíðum og slíku,
vegna þess að sakir staðsetningar stjórnherbergisins heyrist
ekki vel hvað er að fara fram í salnum.
En með þessu móti er mjög þægilegt að fylgjast með.
Hljóðkerfið
hefur reynst alveg ótrúlega vel.
Hljómur alveg til fyrirmyndar og það er mjög einfalt
í notkun.
Uppsetning
í skólastofur í Giljaskóla.
Haft
var samband við okkur varðandi talkerfi fyrir kennara í skólastofur
í Giljaskóla. Tónabúðin
hefur nú þegar sett upp tugi slíkra kerfa í grunnskólunum hér
á svæðinu. Eftir
að farið var yfir málin með skólastjóra var ákveðið að
setja upp 2 hljóðkerfi í skólastofur þar sem kennarar höfðu
kvartað yfir vandamálum tendum raddbeitingu, og að skólunn
mundi einnig fá 2 færanleg kerfi sem hægt væri að nota bæði
í skólastofum og einnig á sal, eða úti í porti.
Að
fenginni reynslu ákváðum við að setja upp Peavey hljóðkerfi
í skólastofurnar. Hátalararnir
heita Impulse
6 og eru festir upp með SV-605 vegg/loftfestingu.
Mixer/magnarinn heitir MP400
og er með 4 rásir og 65w magnar innbyggðan.
Við
erum búnir að prófa ótal samsetningar á slíkum hljóðkerfum,
og þessi samsetning er sú sem hefur komið langsamlega best út.
Við
þetta er svo tengt þráðlaust hljóðnemasett frá
Shure, T3 móttakari og T1 sendir, og hljóðnemi í barm.
Við höfum reyndar haft það fyrir reglu að þegar við
setjum upp svona kerfi þá prófum við allavega 3 gerði af
hljóðnemum, og veljum síðan það sem hentar best í hvert
tilfelli. Þar sem
mixermagnarinn hefur 3 lausar rásir er einnig hægt að stinga
í hljóðkerfið geislaspilara, kasettutæki, myndvarpa, tölvu
eða hverju sem er og nýta hljóðkerfið til að varpa hljóði
yfir stofuna í mun meiri gæðum en lítið ferðatæki gerir eða
hátalarar í sjónvarpi.
Í
færanlegu kerfin völdum við Fohhn
Direct Media hátalara með magnara innbyggðan.
Hann er með 8” hátalara og tweeter og magnarinn er
100w rms. Lítill
mixer er aftan á hátalaranum og hægt er að tengja hljóðnema
og eitthver tæki (geislaspilara, hljómborð eða merki frá
mixer) saman inn á hátalarann í einu og stilla styrkinn sitt
í hvoru lagi. Við
ákváðum að gera lífið örlítið einfaldara fyrir
notandann og komum þráðlausa móttakaranum fyrir inn í hátalaranum,
þannig að það þarf aðeins að hengja á sig sendinn, staðsetja
hljóðnemanann, setja hátalarann á stand og stinga honum í
samband við rafmagn og -tataaa!
Komið hljóð. Þessa hátalara er líka hægt að nota ef halda þarf ræður
eða flytja tónlist úti, einnig sem monitora fyrir tæknimann
á skólaskemmtunum og álíka viðburðum inn í sal ofl.
|
